|

Madaxweynaha Dowladda Puntland oo dhagax dhiggay mashruuca uuc Layrarka Ah oo uu Yeelanayo garoonka diyaaradaha Magaalada Garoowe.

Madaxweynaha Dowladda Puntland Dr. Cabdiweli Maxamed Cali Gaas ayaa garoonka diyaaradaha magaalada Garoowe ee Gen. Maxamed Abshir Muuse ka dhagax dhiggay mashruuc layrar loogu sameenayo Aripot ka.

Madxaweynaha Dowladda Puntland ayaa waxaa ku wehelinayey dhagax-dhiga mashruucan Madxaweyne ku xigeenka Dowladda Puntland Eng. Cabdixakiin Cabdullaahi Xaaji Cumar Camey, Wasiirka Wasaaradda Duulista Hawada Axmed Cilmi Cismaan (Karaash), Wasiir ku xigeenka Wasaarada iyo Agaasimaha guud ee wasaarada, qaar ka mida golayaasha Dowladda Puntland iyo saraakiil katirsan madaxtooyada Dowladda Puntland.

Garoonka diyaaradaha ee  Magaalada Garoowe ee Gen. Maxamed Abshir Muuse ayaa waxaa ay maraysaa shaqada lagu wado casriyeentiisa heer gebo-gebo ah, waxaana uu noqonayaa mashruucan nalalka cadceeda ku shaqeeya mid wax wayn ka bedali doona bilicda garoonka, si uu u noqdo mid maalintii iyo habeenkiiba shaqeeya.

Madaxeynha Dowladda Puntland Dr. Cabdiweli Maxamed Cali Gaas oo ka hadlay munaasibadii dhagax dhiga mashruucan nalalka cadceedaka ku shaqeeya ayaa waxa uu yiri”

“Mar kale waan hambalyeenayaa barnaamijka Cidii kasoo qayb qaadatay fulinteeda wasaaradda, Madaxweyne ku xigeenka oo qaabilsan barnaamijyadaan iyo Hay’ada laftigeedaba, dabacan garoonka cusub ee la dhisay qurxintiisa, hagaajintiisa, inuu garoonku noqodo garoomada caalamiga ah mid lamida dhireysan, nalal leh, garoonka markii laga soo dego waa meesha laga daalacanayo dalka, sawirka runta ah waxaa bixinaya markii laga soo dego waa garoonka,  marka waxaan rabnaa waa garoonka caasimada inuu qurxoonaado, wanaagsanaado, nal leeyahay, jidad fiican leeyahay, cidii markaa ka qayb qaadatay barnaamijkaas horumarinta garoomada gaar ahaan kan Garoowe, aad bay u mahadsan yihiin, waxaan rajeenayaa inaad hawshaas meesha kasii wadi doontaan” ayuu kula dardaarmay shaqaalaha wasaarada Madaxeynha Dowladda Puntland Dr. Cabdiweli Maxamed Cali Gaas.

Puntlandi.com

 

You must be logged in to post a comment Login