|

Garoonka diyaaradaha Garowe oo magac cusub loogu Wan-qalay.

Garoonka diyaaradaha Garowe oo haatan xarig jarkiisa ay ka socota magaalada Garowe, ayaa loogu magac daray allaha unaxariistee Generl Maxamed Abshir Muuse, oo ahaa taliyihii ugu horeeyay ee ciidanka Booliiska Soomaaliyeed, kaasoo 25 bishii Actobar ku geeriyooday dalka Maraykanka.

Madaxweyne Farmaajo iyo madaxweyne Gaas ayaa si wadajir garoonka xariga uga jaray, waxayna sheegeen in magaca garoonka lagu maamusay General Maxamed Abshir, oo ahaa shakhsi qiimo weyn uga fadhiyay ummadda Soomaaliyeed, kaasoo lagu xasuusto kaalintii uu ka qaatay dhismaha ciidanka booliiska Soomaaliyeed.

Markii lagu dhawaaqay magac bixinta garoonka, ayaa hal mar madasha munaasabada waxaa is qabsaday sacab iyo mashxarad lagusoo dhoweynayay in mid kamid ah halyeeyadii Soomaaliya lagu sharfo garoonka.

Puntlandi.com

 

 

You must be logged in to post a comment Login