|

(SAWIRRO) Weriyayaal iyo shacab ku waxyeeloobay Qarax ismiidaamin ah ah oo ka dhacay Baladweyne.

Qof simiidaamiye ah oo xirnaa walxaha qarxa ayaa beegsaday maqaaxi inta badan dadka shacab ah ay fariistaan oo ku dhaw xarunta maamulka gobolka Hiiraan.

Ismiidaamiyahaan ayaa inta uusan is qarxin la sheegay inuu soo taagay ilinka hore ee maqaaxida oo xilligaas ay fadhiyeen dad aan tiro badneyn, waxaana mar kaliya laga war helay jugta qaraxa oo si weyn looga maqlay inta badan xaafadaha magaalada Beledweyne.

Ilaa hadda waxaa la xaqiijinayaa dhimashada Saddex ruux oo uu ka mid yahay qofkii geystay weerarka ismiidaaminta ah. Weli qeybo ka mid ah jirkiisa lagu arkayo halka uu qaraxu ka dhacay.

Guddoomiyaha maamulka gobolka Hiiraan Cumar Aadan Ibraahim Baadiyoow oo shir jaraa’id goobta ku qabtay ayaa sheegay in labo ruux ku dhinteen qaraxa.

Sidoo kale isbitaalka magaalada Beledweyne ayaa la dhigay tiro ku dhaw 15 ruux oo qaarkood qaba dhaawacyo culus.

Dadka dhaawacmay ayaa waxaa ku jira saddex wariye ah oo u shaqeynayay warbaahinada kala  kala ah Jubbaland, Saab iyo RTN,  waxaana la sheegay in wariyaha dhaawac culus uu soo gaaray wariyaha C/llaahi Cismaan Macalin oo ka tirsan TV Jubbaland.

Ciidamada amniga ayaa xiray goobta uu qaraxa ka dhacay, iyaga oo dadka iyo gadiidka u diidaya in ay ka soo agdhawaadaan.

Qaraxan ismiidaaminta ayaa ah kii labaad uu fuliyo qof xiran jaakadaha qarxa, iyadoo jimcihii la soo dhaafay uu qarax ismiidaamin ah uu ka dhacay meel maqaaxi ah oo ku taal magaalada Baydhabo, halkaasoo ay ku dhinteen illaa afar ruux.

DAAWWO SAWIRADA.

Puntlandi.com

Comments are closed